SmilY

2010-12-15T02:39:00.000+03:00

When Your Heart Becomes tired

Just Walk with Your Legs

BUT

MOVE ON

2010-04-06T16:06:00.002+03:00

كيف أصبحنا؟

ولماذا لم نبقى؟

2010-01-14T00:08:00.005+03:00

مطابقه

يتكرر الموقف

تتطابق الاحداث

يتجدد الاحساس

ينتهى بالفراق

ويبقى الالم

.. ولكن

باختلاف الاشخاص

2009-10-30T23:47:00.003+03:00

& it was just a page of my diary

2009-10-16T23:04:00.001+03:00

2008-10-19T12:02:00.003+03:00

نتقابل

لنفترق

2008-09-16T11:50:00.000+03:00

2008-08-03T14:42:00.002+03:00

أخيرا

وبعد طول انتظار

وأربع سنوات من الشقاء والعذاب

ورغم جميع المحاولات لردعى وقهرى

تمكنت انا سمايلى

فى ساعته وتاريخه يوم الخميس 31/7/

2008

من أخذ

بكالريوس الاقتصاد والعلوم السياسيه

قسم العلوم السياسيه

شعبه اللغه الانجليزيه

بتقدير عام جيد

ما تسمعونى زغروطه بقى

:D:D

2008-07-20T20:07:00.002+03:00

عدت سنه

سنه راحت بكل اللى فيها

كان فيها الوحش والحلو

كان فيها اللى جمبى واللى سبنى

كان فيها اول مدونه فى حياتى

شافت منى كتير

وشالت عنى أكتر

وعرفتنى على ناس اجمل

وقربتنى من ناس أكتر

بقولك النهاردة

"كل سنه وانتى جمبى وطيبه"

صحيح البيبسى والجاتوو والذى منه كله عند سابى

ومتنسوش تسيبوا الكادوهات عندها بردة هى مش هتخرج حد من المدونه الا اما يسلم هديته

2008-07-17T03:46:00.002+03:00

congrulations my best best best friend

Nosayba :)

الحشيش.....مغليش

2008-05-11T21:20:00.004+03:00

فى ظل الزياده المستمرة فى الاسعار واللى كلنا عارفينه وحاسينه, ورفع الدعم أو يدوب نص الدعم عن البنزين وزيادة الضرائب على العربيات......وبعيد عن انى الك كتير علشان كل البنى ادمين الحاملين للجنسيه المصريه عارفين الحجات دى ولو مش متأثرين هيصعب عليهم المتأثرين ماديا ومعنويا......وهى دى الاخوة فى الوطن

وأنا واعوذ بالله من كلمه أنا فى ساعه صفا ودا كان بعد ما اتفرجت على الوزير المبجل رشيد محمد رشيد ويريتنى ما اتفرجت عليه بس يفيد بايه الندم وبصراحه الراجل ميتوصاش جابلى اكتئاب خماسى والواحد ايام المذاكرة بيبقى محتاج شويه كأبه بردة يرطبوا الجو

وصرح سيادته وقال انى دى مش الحزمه الاولى فى ارتفاع الاسعار وفى حزم تانيه ان شاء الله_اللهى حزمه منهم تجيب اجله_وصرح ايضا ان دا الدواء للامراض اللى فى مصر وطبيعى الدوا بيكون مر شويه بس بيشفى

سؤال: هل حكومه نظيف بتاخد نفس الجرعه من الدوا اللى بياخده المصريين العاديين؟؟؟......(وش مش فاهم حاجه

ونتيجه لذلك الحقد الطبقى المتعفن ظهر عندى واعدت اقول طبعا ياعم وانت هتحس بالحزم دى ازاااااااااى وانت قاعد فى فيلا وعندى بودى جارد ببدل شيك وراكب عربيه مكيفه وبتمون ببلاش ....هتفرق معاك حزم بقى ولا نيله
وفى نفس لحظه الحقد الدفينه دى لقيت ان كل السلع الضروريه منها والاستهلاكيه زاد تمنها كلها بلا استثناء ....ولكن
لقيت حاجه مغليش تمنها.....وربنا ما لقيت غيره
اللى هو طبعا الحشيش
الحشيش يا ساده سلعه تمنها مزدش الايام دى ولا الايام اللى فاتت.....ليه؟؟.....سؤال دماغه بيطرحه كتير الايام دى
demandالمفروض انه منتج زى ما اخوانا فى اقتصاد بيقولوا ان ال

supply بتاعه الى حد ما عالى وبردة ال
بتاعه عالى جدا جدا جدا

فليه تمنه مزدش فى الاوضاع دى وتجار الكابتشينو مغلوش تمن قرش الكابتشينو ليه؟؟

يمكن دا لطف منهم بأحوال اخوانهم المصرييين......والله تبقى ناس كويسه:D

ولا يمكن دى رغبه من الحكومه علشان بتحب بردة تظبط دماغ الشعب أحسن ما ينفجر من اللى جواه المهم النتيجه واحدة

الحشيش......مغليش

ملحوظه رفيعه: لو حد تمن الحشيش عنده زاد يبلغ جهاز حمايه المستهلك....البلد مش سايبه

iN ciRclEs

2008-04-29T05:44:00.004+03:00

ولا حاضر .......ولا ماضى

تروس بتلف على الفاضى

ولا فينا....شباب زعلان

ولا فينا شباب راضى

مفيش غير اننا بندوووور

ندوووووووووووووووور

ندووووووووووووووووور

((أوقات فراغ))

?!

2008-03-31T21:44:00.003+03:00

cAn yOu liVe wiTh tiRed sOuL acCompAnieD by hiGh spiRiT?!

I CAN'T :(

sTp

2008-03-11T22:44:00.004+03:00

السلام عليكم

والله وحشتنى المدونه والمدونين والمدونات الطلاب منهم والطالبات وبما انى دخلت خلاص فى الترم التانى وما ادراكوا الترم التانى دا بيكون ازاى فى فيبس.بعيد عنكوا مشروع التخرج بتاعى اكل دماغى بقيت بحلم بيه واقوم من النوم مفزوعه من كوابيس بردة منه لدرجه انى قبل اماانام بتجيلى افكار عن المشروع وبتبقى افكار جامدة واقوم من النوم والمثل المصرى الشهير"كلام الليل مدهون بزبده يطلع عليه النهار يسيح.واحاول واعصر فى دماغى انى افتكر ولا حياه لمن تنادى كله راح فى البلالا

والله يا جماعه انا من كتر ما بفكرفى المشروع بقيت ارسم علم اسرائيل فى كل حته على المخده فى الكتب اما بسرح مع روحى بيكون معايا بردة فى السرحان.اى حاجه عنيا بتقع عليها تتعلق باسرائيل دلوقتى اجرى ابوص عليها كانها مثلا ساندوتش كريب لسه جاى طازة

وبما انكم اصحابى بردة هقولكوا اسم المشروع بتاعى ومحدش يشتم او يزعل اويعمل اى حاجه

"قرارات الامم المتحده ازاء بناء المستوطنات الاسرائيليه فى الاراضى العربيه المحتله"

اللهم اعفنى من مشاريع التخرج واخرجنا منها سالمين .....اللهم امين

المهم انا جايه النهاردة بقى ليه وايه معنى عنوان البوست دا الا وهو sTp

كجزء من طبيعيه سمايلى البشريه انها تحب تكون مضغوطه وعليها زليون حاجه ويعدى عليها ايام يكون النوم بالنسبه ليها حلم وحلم كبير كمان.المهم sTp

دا من الانشطه الطلابيه اللى بقت مشهورة اوى فى جامعه القاهرة وهو موجود فى الاساس فى كليه هندسه القاهرة

فطبيعى سؤال واضح وصريح ومحدد يتسال دلوقتى يعنى ايه sTp

يعنى:steps towards progress

دا نشاط قام بفكرة واحد من هندسه لقى ان فى فرق كبيييييير جدا بين اللى احنا بندرسه فى الكليات واللى سوق العمل بيطلبه وان اننا اما بنتخرج مش بنكون مؤهلين للشغل فى مناطق محترمه الا اذا كان طبعا معاك كوسه قصدى وسطه

ففكر انه يعمل نشاط يعلم فيه الناس ازاى تحدد اهدافها الاول ازاى تبقى ايجابيه تبدا بنفسها وتنميها وبعد كدا تنقل اللى اتعلمته لغيرها

فبدا يعمل النشاط قبلته تحديات كبيرة جدا بس ما شاء الله عليه مش استسلم كمان كان معاه جروب مؤمن بفكرته راحوا شركات وواخدوا كورسات واتعلموا وقرروا ينقلوا اللى اتعلموه دا لغيرهم

sTp بدا من 3 سنين بس

بدا ب800 واحد فى السنه الاولى بعد كدا فى السنه التانيه بقوا 1500 وفى السنه التالته بقوا 3000 وطلع من الناس دى افكار زى sTp

وبقت انشطه جامدة جدا.sTp

مش اكتفى بس بطلاب الجامعات والانشطه بتعتهم بالعكس عمل محاضرات لطلبه اولى هندسه علشان الطلبه بتدخل مش بتكون فاهمه حاجه ولا عارفه تدخل اى قسم فبيحاولوا يفهموهم كل قسم بيتكلم عن ايه ويحاولوا يوجهوهم حسب رغبتهم

الناس دى بجد جامده يا جماعه والشباب دول احنا زينا زيهم مش يزيدوا عن اى حد فينا حد الا بس رغبتهم فى عمل شئ والتصميم انهم يعملواه للنهايه

مثل بسيط:قرروا انهم عايزين يجيبوا احمد زويل فى الافتتاح اما كان موجود فى مصر فضلوا يدوروا لحد ما جابوا نمرة المرافق له فى زيارته للقاهرة وهو مقدم برنامج الطبعه الاولى:احمد المسلمى

وقدروا يقابلوا د.احمد زويل واتكلوا معاه لمده ساعه وفرح اوى بيهم وهم كمان فرحو اوى انهم قدروا ينفذوا اللى هم عاوزينه

كمان عملوا sTP juniors

ودا نشاط لطلبه المدارس وبداوا بمدرسه دار التربيه(internationa section)

وعملوا فكرة اسمها Egypt's image

انهم يفكروا ازاى تكون صورة مصر فى عيونهم عايزين يغيروا ايه وايه شايفينه صح وايه غلط وازاى يغيروا الغلط دا

بجد واحنا فى opening sTp 08

ودا كان فى القبه الاتنين اللى فات طلع ولد عنده 17 سنه من المدرسه ماش الله عليه كان بيتكلم وهو واثق من نفسه جدا على الرغم انه كان اصغر واحد فى القاعه كان قاعد ادامه رئيس جامعه القاهرة ووكيل الجامعه والولد كان بيتكلم بشكل لائق وكله امل مش زى طلبه ثانوى تلاقى الواد يعينى مكفى على الكتاب ووسطه اتقطم من الاعده ولو قام يريح شويه يلاقى قفا نازل عليه من اى حد فى البيت علشان يعد يكمل دح علشان يجيب مجموع ويدخل جامعه محترمه اللى لحد دلوقتى لم اكتشف وجودها فى مصر ويدخلها ويدح بردة ويتخرج ليشتغل بعد

عذاب لا يمكن وصفه او يعد على اى قهوة مستنى القطر اللى عمره ما بيجى فى ميعاده

انا بجد قضيت ايام حلوة جدا فى sTp

مش متخيله ان فضلى بس 3 او 4 ايام ومش اشوف اصحابى هناك مش متخيله ان يوم السبت يجى عليا من غير ما انزل هندسه واعد هناك من 3 لحد 8 وشويه بنفكر ونلعب ونشتغل ياااااااااااااااه.انا بجد بدعى انى مش انسى الناس دى

اللى شجعنى انى اتكلم عن sTp

اننا كنا فى خروجه مع بعض كل sTp

يا جماعه خرجوا مع بعض وروحنا الازهر بارك مع بعض قليل اوى اللى مشى لوحدة حتى واحنا فى الطريق للبارك كنا بنتكلم فى حجات مش تافهه ولا هايفه ودخلنا البارك واعدنا نتصور ونجرى ونلعب والاهم من كدا ان محدش فى sTp

يعرف اكيد ال3000 كلهم بس الخروجه دى عرفتنى على بعض وعرفنا بعض اكتر وكانت فى لعبه فى الاخر ان كل تيم يألف اغنيه لsTp

ابداعات ظهرت والله يا جماعه لمجرد اننا عايزين نقول بس اننا بنحب sTp

انا بجد بشكر كل واحد وواحدة قدم sTp

بالشكل المحترم دا انا بجد مهما اوصفلكوا عمرى والله ما هقدر اوصف الناس دى تعبت اد ايه علشان تخلينا نستفيد وبجد عملوا اللى عليهم واكتر بكتيييييييييييير.ربنا يجازيهم خير على تعبهم دا ويوفقهم فى حياتهم ويحقق لكل واحد كل احلامه

انا هقول بس شكرا كبييييييييييييييييرة

Head sTp08 لاحمد الشرقاوى

Vice head محمود امبابى

and to my moderators:nora&ramez&ahmed&amira&sayd

كان نفسى بجد احط صورهم بس دا اختراق لخصوصيتهم وانا مش عايزة اخترق حد

انا طبعا طولت عليكوا كتير انا عارفه والله بس انا كان نفسى اقول حجات كتييييير على sTp

واللى قولته دا كلمه من بحر sTp

انا هختم باسماء workshops in sTp

CPR(mine):Crisi-project-risk management

BIS:Business initiation and sucsess

ERA:Economics of real-life application

IRA:Innovative realization for advertising

MAP:Marketing aspects& principles

OOP: Outstanding organizational performance

PROMAN:Project management

TAI:The art of innovation

UNIFIED:Unified engineering workshop

والاغنيه اللى الفتها مع التيم بتاعى فى الازهر بارك:D:D

استباويه احسن ناس

نشاطها فى الجامعه منور

مهندسين وشباب جدعان

مع بعض دايما بنطور

من حقنا نغير ورانا ايه ورانا ايه

مع بعض بنطور ورانا ايه ورانا ايه

استباويه يا استباويه

نشاطها جامد وميه ميه

كنا واحد وبقينا ميه

وكل ما دا فى زياده جايه

اه يالالى حبيبى يالالى يا رووووووحى يالالى

:D:D

for further info go to sTp's website http://cms.stp-egypt.com/index.php?option=com_frontpage&Itemid=1

بكاء

2008-02-25T01:31:00.005+03:00

أبكيتنى يا حب أكثر من الكثير....أبكيتنى رغم أنك لم تلق منى أى تقصير....أبكيتنى يا حب ولم أبك قط من شيئا سواك

أبكيتنى وأنا بعيدة عنك ولم ألقاك....أبكيتنى عندما قررت أن أقترب منك....أبكيتنى وأنا اجمع أطلالى وأبعد عنك

أبكيتنى لكنى لم أطق فراقك....أبكيتنى ياحب وكأننى عدو لدود لك....أولست حبيب يحنو عليك ويتمنى ان تتصدق عليه ايضا بحنانك

أكبريائك تمنعك أن تتعطف على بحبك لى....أم أنك تحنو فقط على من يعطيك ظهره....وتقسو وتتجبر على من يتمنى لحظه رضاك

فهل لى الان بسؤال.......لم كل هذا البكاء؟؟

أيقترن البكاء دائما بالحب ؟؟ أم يقترن الحب دائما بالبكاء؟؟

ولكن ما الفائده من معرفه الاجابه ففى كلتا الحالتين النتيجه واحدة............بكاء

فلماذا جعلتنى يا حب أبكى وأنت تعلم قدر حبى....أتتلذذ برؤيه دموعى....أم تفخر برؤيه ضعفى

تعلم أن الله حرم القتل ولكن الان أعلنها وكلى ثقه وقوة ....ان قتل الحب مباااااح....مباح طالما سيحررنى من دموع تقيد عيناي....مباح طالما أحلم بوجودك وانت بجانبى....مباح اذا كنت يوم ستكون سبب فى قتلى

وقررت جديا ان اقتلك فما الذى يبقينى عليك....وقبل دقائق معدودة من قتلك أجدنى أتسائل....نعم لقد أذانى وجرحنى وذلك لمجرد حبى له

فهل هذا جزائى؟؟ ....أحببته ولم يعيرنى حتى اهتمامه .....نعم...لكن أنا لست هو

لذلك لن أجعلنى مثله سأتركه حتى يأتى يوما يعرف ما لم يكن يعرفه فى وقت مضى .....سأتركه حتى يتأكد انه اتى يوم وتجاهلنى كاننى شئ زهيد لا ثمن له.....ستأتى عليه تلك اللحظه التى يتمنى فيها ان يعود به الزمن حتى يرانى ويرى أننى لم اكن فقط أحبه بل اعشقه وعشقى نحت له تمثال يعبده .............وفى تلك اللحظه سأخذ نفسى بعيدا ....بعيدا عن الماضى وعنه وأحاول ان اعوضها ما فقدته وان اهديها ما تستحقه....ومن يحبها

تااااج رقم 2

2008-02-13T04:03:00.000+03:00

بسم الله الرحمن الرحيم

فى الاول كدا بسلم على كل الناس واقولهم وحشتونى جدا خالص موت وبقالى كتير اوى مش بكتب حاجه ومش عارفه ايه السبب بصراحه بس كنت بكدب على روحى واقول انى مشغوله واه كنت مشغوله بس كان ممكن اكتب بردة....ما علينا المهم يارب تكونوا كلكوا كويسين وبخير وجود لاك ان شاء الله علشان بدانا الترم التانى ويارب يعدى بخير

بعد مشاورات ومناورات خدت نفس عميق وقررت انى اجاوب على التاج اللى مررته حبيبتى وصديقتى روفى وعلى الرغم انه تاج اسئلته جبارة جدا بس قولت لازم ولابد وحتما انى اجاوبه كفايه انه من رفرف:D

هل توافق على حذف خانة الديانة من البطاقة الشخصية ؟

مش معترضه على وجودها ولا معترضه على حذفها

المفروض ان التعامل مع الناس يكون بشكل طبيعى بدون تحيز دينى سواء مسلم او مسيحى دى فى المعاملات الرسميه

اما المعاملات الاجتماعيه مش محتاجه لبطاقه علشان اتعامل مع الناس المفروض التعامل مع البشر باعتبارهم ب ن ى ا د م ي ن

مش اديان

ما رأيك في المثليين ؟ هل ترى انها حرية شخصية ؟ هل توافق على الاعتراف بالمثليين ؟ هل لك اصدقاء من المثليين؟

مش فاهمه راى فيهم من اى زاويه بصراحه

طبعا حريه شخصيه لان كل انسان عارف ايه صح وايه غلط وقادر يحكم على نفسه وعلى ايه اللى يريحها بغض النظر هو ايه فى نظر الناس مش هنحاسب الناس كمان على اختيارتهم الجنسيه

اوافق لانهم اصلا موجودين اعتراضى او قبولى مش هيغير من واقع وجودهم

مليش اصدقاء ولا صادفت ناس منهم كويسه وينفعوا يكونوا اصدقاء ليا مش هعترض

هل تعتقد بوجود إضطهاد للمسيحين فى مصر؟

سؤال صعب

بس اعتقد الى حد ما لا لان المسيحين عايشين معانا وبيشاركونا نفس الواقع المرير اللى بنشوفه كل يوم وكل دقيقه.موجودين فى مناصب كتير دكاترة استاذة جامعين وحجات كتير اوى

لكن مرة قريت ان المسيحين مثلا مش مصرح لهم ببناء كنائس جديدة كالملسلمين وملهمش حق فى تجديد الكنائس القديمه الا بعض اجرائات معقدة جدا....بس فى راى ممكن علشان اعداد المسيحين مش فى تزايد متماثل مع تزايد المسلمين وبالنسبه للروتين مهو متفشى فى كل مكان فى مصر مش معنى دى يعنى

من هو الشخص الذى تختاره لرئاسة الجمهورية؟

بيتهيالى محدش مؤهل دلوقتى لرئاسه الجمهوريه غير شخص واحد بس لو كان اسمه مثلا جمال جرجس كانت ناس كتير تقبلته ووافقت عليه

اذا قمت بتأسيس حزب سياسي من هم الاشخاص الذين ستقوم بضمهم فى الحزب ليشاركوك الحكم حال فوزك فى الانتخابات؟

اممممممممممممممممم

هختار سعد زغلول رحمه الله

الجنزورى

طلعت حرب

ايمن نور

وكان نفسى اختار نساء سياسيات ليهم دور بارز فملقتش غير صفيه زغلول

هل توافق على مشاركة كل من الاخوان المسلمين و الاقباط فى الحكم؟

من حقهم يشاركوا فى الحكم بس بدون وجود اغلبيه لكلا الطرفين يعنى يكون حكم ائتلافى بينهم

في رأيك الشخصي ما هي اجمل مدونة قمت بزيارتها؟

يااااااااااه كتير اوى والله مدونين ومدونات كتير بجد مبدعين

بس فى مدونه برجعلها كل اما احس انى مضايقه ومخنوقه وبتابعها من بعيد لبعيد كدا هى

المدونه الكامييكازيه انسانه لصاحبتها ياسمين

هل توافقين على الزواج من رجل مطلق؟

والله حسب لو رجل بمعنى رجل ومناسب ليا سنا وخلقا وشخصيه يبقى معنديش مانع

إذا تزوجت و أنجبت ولدين و بنتين ؟؟ أى الاسماء تحب ان تسمىولدين وبنتين؟

هسمى الولدين:وحى ,أبى

ملحوظه(وحى بضم الواو وهى جمع كلمه وحى يعنى وحى + وحى+وحى__وأبى بردة بضم الالف وفتح الباء وسكون على الياء

والبنتين: سبيله وسلسبيل

هل تعتقد ان توريث الحكم فى مصر سيتم فعلا ام لا ؟

أينعم سيتم وبلا فخر

في رأيك الشخصي ما هو افضل إنجاز لحكومة مبارك ؟ و ما هو اسوء عمل قامت به ؟

فى الواقع:D

بيتهيالى كدا الكبارى عملتلنا بلد فوق البلد بصراحه وبردة محلتش ازمه المرور ودا انجاز فى حد ذاته

وبالذات انا وزملائى وزميلاتى اللى بنسافر كل يوم لكليتنا اشكر حكومه الرئيس علشان كوبرى قليوب اللى حل الازمه بتعتنا واحنا جايين القاهرة ونيلها تانى علشان بنعد ساعتين على نفس الكوبرى واحنا مروحين بيوتنا لانه بيتصلح...وعمار يا مصر

وبالنسبه لاسوء عمل فالعدد فى اللمون بصراحه متعدش:من ارتفاع معدل الفقر لارتفاع الاسعار لاحتكار الحديد لتفشى امراض الكبد والسرطان والاف بتموت كل يوم لاسباب لا تعد ولا تحصى ومحدش معير ....بس كدا واكيد انتوا عارفين الباقى

لمن تمرر هذا التاج؟

بصراحه اللى عايزة بالهنا والشفا

بس همرره للصديق والزميل أحمد زكريا صاحب مدونه ايوة شايفك

هو بيموت فى الاسئله دى هيفرح بيها اوى:D

فى عالم بدونك

2007-12-18T00:18:00.000+03:00

غارقا يا أنا فى ذكرياتى معها

تحاصرنى عيناها هنا وهناك

فأغلق عيناى كى تغفل عنها ولو برهة

فأجدها فى أحلامى تقولى لى: أتريد نسيانى؟

اااااااااااااااااااااااه يا فتاتى

الى متى ساظل حبيسا فى سجن عيونك؟

ألن تسمحى لى بالخروج كما خرجتى انتى منى

ولكن لا...انى افضل ان أظل لكى على الرغم من انك لست لى

انى افضل العيش فى ماض دافء

بدل من مستقبل....بدونك

sOoRy

2007-12-05T03:49:00.000+03:00

bgd iam so soory 3lshan i forgot you the last few days, the life and its stress made me forgot some one i supposed not to forget. I thought that it isn't enough to say " iam soory" to you bas, i felt that i have to say that in front of the all even these ppl dont even know you or me but it-may be- makes me feel better.bgd iam soory iam not gonna repeat it again in shaa allah.

msh tez3l meny:(

2007-11-29T09:01:00.000+03:00

مسافرا يا قلب فى درب يدعى الحياه

مسافرا لا تدرى اين منتهاه

لا تعلم اى اتجاه يدلك على الهدايه

يحتضنك هذا وينبذك ذاك وانت بلا اراده

تمتلؤك الندوب حتى أحسست ان قربت النهايه

لكن....كفى يا قلب فأنت ملكى وتخصنى

ولن ينهى حياتك غيرى.....انا

لك الله يا مصرى

2007-11-14T00:34:00.000+03:00

عشان انت مصرى

عشان انت مصرى لازم تعانى
وتفقد كرامتك بكل المعانى
وتحرق فى دمك سنين مش ثوانى
واوعى تصدق كلام الاغانى
بتاع الحضاره وكانى ومانى
ده كله هجايص مايدخل ودانى
عشان انت مصرى العذاب بيناديك
بتبدا فى يومك حاجات بترازيك
فى نومك فى قومك تعكنن عليك
تضايقك ولسه العماص فى عينيك
مافيش ميه تشطف صابونه فى ايديك
وجسمك ملزق وريحتك عاديك
فتلبس وتنزل وفيك اللى فيك
ورايح لشغلك حتحتاج مواصله
ادى المترو واقف وكهربته فاصله
وفى الميكروباص خناقه وحاصله
اوتوبيس فرامله عايزالها وصله
وتوك توك ده تايه ومحتاج لبوصله
بتوصل لشغلك بدم اتحرق
فى زحمه وكتمه وحر وعرق
رئيسك سايبلك كومه ورق
ده غير دمغه ضايعه وملف اتسرق
وفى كام مواطن عامللك قلق
بيشكى تقول له روح اندعق
وعركه وهوجه وشاى اندلق
ومخك خلاص من الصداع اتفلق
هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص استويت
عيالك بتطلب وهات كيت وكيت
تزعق تهاتى ياناس اتهريت
ولاحد سامعك مهما هاتيت
عشان انت مصرى وده للاسف
فلازم تاسى تعيش تتقرف
وكل الاساسى فى حياتك ترف
فتنسى الكرامه وتنسى الشرف
وتسرق وتنصب او تنحرف
ودمعك بيجرى وجرحك نزف
مش انت اللى مصرى؟؟؟ جتك القرف

احمد فؤاد نجم

2007-11-13T01:15:00.000+03:00

نفسى فى دمعه تنزل من عنيا

حتى الدمع بقى غالى عليا

فى ذكرى العشرين

2007-11-10T23:19:00.000+03:00

اليوم اتممت العشرين عاما انهيت عقدى الثانى ولكننى لم أتمكن من تحديد اذا ما كنت سعيده اننى كبرت وزى ما بيقولوا بقيتى عروسه على الرغم اننى فى بعض الوقت اشعر وكأننى ما زلت طفله صغيرة تريد ان تلهو وتجرى بلا قيود تخنقها وسجون تحرمها منى ادنى حقها ..حقها فى الحريه

لم أكتب اليوم لأقول لنفسى كل سنه وانتى طيبه وعقبال زليون سنه والسنه الجايه تعملى كل اللى انتى عيزاه_علشان بسمع الكلام دا بقالى عشرين سنه متتاليه بلا توقف_لكن فى احتفالى الخاص فى ذكرى ميلادى العشرين وهو احتفال خاص جدا جدا ,احتفال متكون من نفس واحدة ألا وهى نفسى الوحيدة حاكيتها وتبادلنا العديد من الحوارات لم تكن حول ماذا تريد نفسى ان تكون السنه القادمه لانها لا تعرف الى متى ستبقى على هذه الحياه,ولم احدثها عما اذا كانت متقبله ما فعلته عن السنه الماضيه لانها مضت ولن تستطيع ان تغير شئ حدث فيها وانها لا ترى فى الندم من فائدة سوى عذابها....عذاب نفسى

كان حديثنا مجرد كلام يذهب ويجول فى طرقات عديدة ليس لها اى صله ببعضها الاخر وفى ظل حديثنا كنت استمع الى موسيقى لعمر خيرت والشيخ امام_حد هيقولى حد يسمع الشيخ امام فى عيد ميلاده ارد عليه واقوله فقريه تقول ايه_فاذا بأغنيه للشيخ امام تدعى ذكرى

انها تتحدث عن فتاه مثلى أتمت العشرين ايضا ولكن فى وطن لا يسمح بالاحتفال وتدب الفرحه فى قلب فى وطنها ووطنا......فلسطين

فى ذكرى الميلاد العشرين لفتاه من ارض فلسطين

وقفت تتامل حاضرها فى ارض يكسوها الطين

خلف الاشواك السلكيه عاشت اياما وسنين

ما بين الماضى وظلامه وحنينا فى القلب دفين

والحاضر فى بطء يمشى يمشى يمشى

مثقول الخطوااات حزين

لكن من اين المستقبل والشعب طريد وسجين

أتعيد فتاه مسكينه لتعمر أرض فلسطين؟؟

ام تأتى كالماضى الاسود بغزير دموعا وانين

أتحدى..لا يا مستقبل ساعود بعزم ويقين

وسأمسح عن أمى الدمعا أعطيها فى يدها سكين

وأرد الى خالى روحه وأعلق فى كتفه مدفع

أهديه الامل الوضاء أملى فى يوم ان نرجع

للارض المحبوبه ارضى للزهر النادى للوردى

ما عادت ترهبنى القوة فالقوة يمكلها زندى

بجد الاغنيه اكثر من رائعه وان تسمعها من الشيخ امام وقدرته الهائله على ان يجعلك تشعر بما يقوله من اول وهله ينطق بها بغناه الفريد

ما تغنى به الشيخ امام جعلنى أشعر بأنه لا داعى لى ان افرح فى هذا اليوم

فكيف أفرح وفتاه فى وطنى الاخر تستعد للقتال دفاعا عن وطنها

تاااااااااااااج

2007-10-10T00:36:00.000+03:00

اول مرة يجيلى تاج وجالى من أعز الناس اللى عرفتهم بجد فرحت اوى اما فتحت البلوج ولقيت روفى بتقولى يا شيمو ليكى عندى تاج ومن كتر الفرحه كان هيوهمن عليا

دخلت وشفت التاج عند روفى وقد كانت الصدمه أن أن أن

اسئلته صعبه جدا وكلاكيع وحجات منبعجه على روحها بس قولت دى روفى حبيبتى عمرى ما هرد لها كلمه ابدا وأنفض للتاج اللى بعتته

بسم الله وبه نستعين

لو قالولك اختار عصر من عصور مصرعلشان تعيش فيه تختار اى عصر و فى عهد اى حاكم..واشمعنى.؟

بيتهيألى كنت هختار اعيش ايام الاحتلال البريطانى وبالذات وقت ثورة سعد زغلول لأن مصر وقتها كانت مصر واحدة بجد ايد واحدة

شعار الهلال والصليب مكنش حاجه علشان بروبجانده كان حاجه فعليه مش زى دلوقتى

كنا وقت الاحتلال عارفين ان مصر ليها عدو واحد الا وهو الاحتلال والحل واضح وهو الاستقلال

اما دلوقتى لا عارفين مين العدو ولو عرفناه مش عارفين هنخرج العدو دا ازاى.كانت الناس بتقاوم وجواها حب كبير لبلدها بس دلوقتى كله مكبر جمجمته وبيقولى هو انا اللى هغير البلد يعنى....

اول اولويه فى حياتك

عيلتك

شغلك

ولااصحابك؟

بصراحه التلاته مهمين جدا جدا جدا عندى بس طبعا الاولويه الاولى لعيلتى لأنى بحب بيتنا اوى وبعدها على طول اصحابى اللى استحاله استغنى عنهم

ايه اكتر حاجه بتحبها فى رمضان؟

ياااااااااه متعديش....بحب لمتنا كلنا ساعه الفطار وبالاخص اللى اننا زدنا واحدة علينا حوارت كل سنه بتتكرر فى رمضان وبردة بحبها

بحب اصوات المساجد وهى بتصلى كلها وبالذات ساعه الفجر وبتكون مليانه ناس وتحس ان ربنا بيتسقبلنا بطريقه تحفه

بحب الهدوء والسكينه اللى الواحد بيكون فيها فى رمضان وصعب يحسها اوى فى غير رمضان

بحب كلمه "كل سنه وانتى طيبه"اللى بتتقال 30 يوم فى الشهر

بحب الزينه وفانوس رمضان...على الرغم انى مش جبت فانوس السنه دى:(

اوصف ليا اجمل فطار ممكن تفطره؟

اجمل فطار كأكل كفايه يكون فيه بلح وعرق سوس لانى بعشق الاتنين دوول وبعد كدا كله زى بعضه

واجمل فطار اما بروح الحسين او اى مكان تانى مع اصحابى ونكون كتييييييييييييييييير ونفطر مع بعض ونصلى ونهيس مع روحنا بيبقى فطار جاااااااااامد جداااا

لو انت حاكم على مجموعه من الافراد هتكون عادل؟؟ طب هتعمل ايه عشان تتأكدانك حاكم عادل؟

و اكيد لو كانت احكم ناس هكون عادل فى حكمى عليهم محدش هيقول نفسى اكون ظالم وطبعا اللى يدوق ويجرب الظلم صعب يكون ظالم

اعمل ايه بقى علشان اكون عادل انى اول حاجه اسمع اللى بحكمهم وبطريقه مباشرة بينى وبينهم

حاول على قد ما اقدر انى اوازن بين مطالب الناس وبين السياسه اللى انا بتبعها

اللى بيبوظ الحكام نفسهم ولاالشعب؟ولا الحاشية المقربة؟

اول سبب ان حاكم يفشل انه يكون هو نفسه فاشل او مش كفء انه يحكم من الاساس

اما لو الحاكم دا محاط بحاشيه فاسده فأكيد هتخليه فاشل لانهم هيوصلوله معلومات غلط لمجرد خدمه اغراضهم الخاصه

مين أكتر اعلامي مصري بتحترمه؟

عمرد اديب,حمدى قنديل,منى الشاذلى

قريت ديوان عمر مصطفى صاحب بلوج تجربه(اسباب وجيهه للفرح) عن دار ملامح ولا لسه ولو آه ايه رأيك فيه؟؟

هو بصراحه مش قريت الديوان ولا البلوج

لو ممكن تشتغل شغلانه تانيه غير اللى انت بتشتغلها او كنت بتشتغلها كنت تتمنى تبقى ايه؟

كنت اتمنى اكون بالرينيه(راقصه باليه)علشان بحب الباليه جدااااا

ايه تانى بلد تتمنى تعيش في بعد مصر؟

هو صعب انى اسيب مصر اصلا بس ممكن اروح اعيش فى دبى والاسباب وجيهه او اروح اعيش فى فرنسا

اوصف ليا ترتيبات اجمل فرح ممكن تحضره

بحب الافراح اللى بتكون الصبح اوى على الرغم ان عمرى ما حضرت فرح الصبح بس شكلى هحضر واحد قريب جدا

ويكون بقى فى جنينه كبيييييييييييييرة وادامى خضرة والعروسه تكون مميزة فى كل حاجه فى اليوم دا والعريس اخره بالبدله

وقبل كل دا لازم يكونوا بيحبوا بعض طبعا......وربنا يوفقهم وعقبال عندكم جميعا

بتراعي كلام الناس والقيل والقال؟لو اه او لو لا قول لى ليه؟

لا خاااااااااااااااااالص مكبرة دماغى من كلام الناس اللى مش بتريح روحها علشان لا هى عرفانى ولا عارفه انا بعمل ايه

يعنى مثلا لو روحت بيتنا متأخر الكلمه الوحيدة اللى هتتقال"دى صايعه دى دى دى" وممكن روجعى متأخر دا لاسباب كتيرة اوى غير انى اكون طبعا صايعه.فليه اوجع دماغى واتعب روحى فى حجات مش تهمنى وهتروح والناس هتلاقى حجات تانيه تتكلم غيرها

صحيت من النوم ما لقيتش الموبايل ولا الكمبيوتر ولا الكاميرا الديجيتال ولقيتنا رجعنا لعصر الحمام الزاجل والحصنه هتكون سعيد؟

جدا جدا جدا جدا لبكرة كمان.بحس براحه اوى اما ابعد شويه عن كل التكنولوجيا دى واما بكون مخنوقه من حياتى اوى بقفل موبايلى ومبفتحش الكومبيوتر خالص والتليفزيون مش بقربليه وافضل مع نفسى كدا وبحس انى بعيد حسباتى مع نفسى وافكر براحه

بس ممكن علشان عارفه انى هفضل بعيد فترة وهرجع تانى لكل الحجات دى بس بجد مش بيكونوا وحشنى اوى فى العادى يعنى

السعاده هي

INNER PEACEاممممممممممممم حجات كتير بس اكبر سعاده بحسها اما بيكون جوايا حاجه كدا بسميها

بحس براحه ملهاش وصف كانى متصوفه كدا بس للاسف الاحساس مش بيستمر كتير علشان الدنيا اللى احنا فيها دى

بحس بسعاده فى فرحتى أمى بيا اما اعمل حاجه ترضيها

بحس بسعاده اما حد جمبى يحس بسعاده

عندك أمل؟؟أسبابك؟

اه الحمد لله عندى أمل فى ربنا كبير

علشان ملقتش اى نتيجه من انى أيأس او اعيش لمجرد انى عايشه واكل وانام واعد فى بيتنا,لقيت انى نفسى بتكون احسن اما يكون عندى أمل فى الدنيا,حتى لو مش حققت اللى انا بتمناه دا يكيفينى شرف المحاوله وكفايه انى جربت علشان مفضلش اقول يرتنى ويرتنى...

لما تحب تهرب من كل شئ بتروح فين؟

بدخل الشقه اللى بعد فيها لوحدى واقفلها علشان محدش يدخل عليا بحب كمان الاوضه بتعتى ادخلها وألم دباديبى كلها جمبى واحط سابى ادامى واكلمها

(بس سعات كتير بيكون نفسى اسافر ومن غير ما يكون حد معايا لاى مكان مش فارق بس للاسف مينفعش(اصلك بنت

امتى أول مره خدت فيها نفس طويل كده وقلت بينك وبين نفسك يااااه الظاهر انا فعلا كبرت؟

هو بيتهيالى من 4 سنين حسيت انى كبرت اوى وشيلت مسؤوليه

بس فى نفس الوقت بحس انى لحد دلوقتى عيله اوى من جوايا بنتوته ضغننه بتضحك وبتلعب بس دا مش على طول

لما بتعمل عمل خيرى بيكون ايه هو دافعك الاول؟

اعمل اللى ربنا قالى عليه انى اكون خليفته فى الارض واعمرها مش بس انى اعبده واصلى واصوم

كمان احساسى انى فى ناس فى حاجه انا ممكن اقدمهالهم حتى لو الحاجه دى وقت بس

بحس بخير ملينى اوى اما ابوص فى عين حد محتاج وانا حققتله ولو جزء بسيط من الاحتياج دا

بتشرب سجاير؟لو الاجابه اه ايه شعورك لو شفت ست بتشرب سجاير؟وليه؟

الحمد لله مش بشرب سجاير

لو شفت واحدة بتشرب مش ببحلق واقول ايه دا عيب عليها لان السجاير دى مضرة للانسان سواء كان ست او راجل

لو الانسان بقى اختار بكامل ارادته انه يضر روحه هو حر بش مش هقول دى ست شكلها وحش بالسيجارة ودا راجل شكله زى القمر بيها

الامر سيان......شكلهم الاتنين بيها وحش

بتعرف ايدك اليمين من الشمال ازاي؟

سعات افكر شويه انهى واحدة باكل بيها او اشوف بلبس الساعه فى انهى ايد

لو انى زمان كنت بلبسها فى اليمين

ايه اكتر اله موسيقيه بتحبها؟

بحب الجيتااااااار جدا جدا جدا وكنت بتعمله بس كله رااااااااح

بحب العود اوى

فى رأيك ليه الذوق والنخوه اتعدموا؟

ممكن يكون استسلام الناس للموجود وانه مبقتش يفرق معاهم حاجه,كله دلوقتى بيقول نفسى ثم نفسى وكلمه انا مالى هو انا هغير الكون بقت الشعار الاساسى للناس دلوقتى باسثناءات بسيطه

ايه الحاجه اللى لو حصلتلك تبقى سعيد قوى؟؟؟

مش عارف حجات صغيرة اوى بتخلينى فرحانه جدا واحس انها حاجه كبيرة اوى فى حياتى

وحجات بتكون مهمه اوى ويتغير حجات فيا والمفروض انى انبسط اما تحصلى بتعامل معاها بسلبيه جدا

مش فاهمه ليه

تختار يبقى عندك...ارض زراعيه ولا اجنس عربيات و لا كام عماره و لا فلوس فى البنك؟؟؟؟

ارض زراعيه طبعا

بحب الارض اوووووووووى بحب اخلى عنيا تشوف اللون الاخضر بيحسسنى ان بكره بنفس اللون بحب عينى تبص على الارض متجبش اخرها,كمان انا بقالى 4 سنين بسافر على ارض زراعيه من الاصول انى احبها

البحر و لا النيل؟؟؟

هما الاتنين بصراحه اختارهم

بس الاول عندى هو النيل انه بيمر من عندنا اصحى الصبح امشى ادامه وباليل اتمشى على الكورنيش بحب اركب مركب وتفضل ماشيه بيا جواه.بيحضن عنيا بحنيه جامده جدا

والبحر مش بحبه سعات وبخاف منه علشان خد من حياتى ناس بحبهم

مركب و لا طياره؟؟

مرررررررررررررررررررررركب

بس نفسى اركب طياره

مجنون و لا عاقل؟؟

فى الواقع انا حاسه انى فى العادى كويسه وبنت ناس يعنى

بس سعات كتير جدا اوى خالص بيعتبرونى مجنونه

ليه؟الله اعلم

تقرى كتاب و لا تتفرج عليه فيلم؟

اتفرج عليه فيلم

علشان تأثير الصوت والحركه المؤثرات دى كلها ليها تأثير كبير اوى على رأى الانسان انه بس مش هيحكم على رؤيه كاتب ووجهه نظره لا هيحكم بشكل أوسع من كدا

بتمرر التاج لمين؟؟؟

معرفش بلوجرز كتير علشان امررلهم التاج واللى اعرفهم عملوه

بس اللى عايز ياخده اتفضله بالهنا والشفا

!!!مبيعرفش

2007-09-28T00:44:00.000+03:00

كنت مرة بتفرج على برنامج القاهرة اليوم وجت فقرة الصحافه وكان فى خبر" نسبه الطلاق فى مصر وصلت

الى %64 وان تلت اربع النسبه دى بين الشباب حديثى الزواج

ووقتها د.محمد الدش اللى كان بيقرا الاخبار -وبصراحه انا مش اعرفه_قال ان نسبه الطلاق ارتفعت بين الشباب حديثى الزواج لان شبابنا مش بيعروفوا حتى يختاروا

سعتها اضيقت اوى واترنفزت اما قال كدا ليه على طول معظم ومش كل الناس الكبيرة معتقده ان الشباب مش بيعرفوا يعملوا اى حاجه

مش بيعرفوا يعيشوا, مش بيعرفوا يختاروا,مش بيعرفوا يسمعوا موسيقى,مش بيعرفوا يتعلموا مش بيعرفوا مش بيعرفوا

طب ومين ربانا_باعتبارى من الشباب_؟؟ومين قال دا صح ودا غلط؟؟

ليه الفكرة عن الشباب دلوقتى ان كل همه فى دنيته دى انه يهيس ويهيص ويأنتم ويحب بنات ويمشى معاهم ولو بنات فريي شويه اللى هما دلوقتى كتير حبتين ينام معاهم بالمرة ويضرب ورقه ونخلص الحوار ويشرب ويضرب ويصيع وووووووووو

والناس اللى كل وقتها تقول انهم شباب بايظ ومتخلف ومنحرف وملوش هدف فى حياته مكلفوش نفسهم وتعبوا روحهم ولو دقيقه ويسالوا ليه احنا بقينا كدا؟؟

ليه مبقاش فى هدف يحركنا؟؟

ليه العتمه والخوف والحزن جوانا وملينا؟؟

ليه عجزنا وبقينا شويخ واحنا بيقولوا علينا شباب؟؟

ليه بنجرى ورا مخدرات وضياع علشان بس نفرح ولو دقايق ولو فرحه مؤقته؟؟

ليه اما نتسال عن حياتنا منلقيش الا كلمات كتيرة بمعنى واحد"ملل زهق ارف اكتئاب ؟

ليه بقينا نتريق على كلمه" انتوا المستقبل ونرد بكلمه_او عن نفسى برد بكلمه_اننا مستقبل ريحته وحشه واحنا مستقبل من غير مستقبل؟؟

مليون ليه جوايا ومش عارفه ارد بايه.اى سبب يخلينا بقينا كدا؟؟واى حل هيخلينا نكون المفروض نكون عليه؟؟

وهنفضل كدا كتير؟؟

ولا هنفضل كدا على طول؟؟

ولو فى تغيير المفروض ان كل واحد يبدئ بروحه ولا فى حاجه هتغيرنا كلنا باعتبار ان الاحساس واحد ؟؟

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

BE THE CHANGE YOU WANT TO SEE IN THE WORLD"GHANDI"

أين انا؟

2007-09-05T03:56:00.000+03:00

بين القوة .... والضعف

بين الكبرياء .... والذله

بين الجنون .... والعقل

بين التحرر .... والتقيد

بين الشجاعه .... والجبن

بين القدرة .... والعجز

بين الرغبه .... والتبلد

بينى وبين نفسى

لا أجد شئ

الفائز المنتصر

2007-08-29T04:32:00.000+03:00

دخل الحب والجنون فى حرب

دارت بينهما معارك داميه

خرج الحب متأثرا بجروح بالغه

يبكى بألم على ما خسره فى حرب غير منصفه

بينما تباهى الجنون بقوته الزائفه

يقفز زهوا بنصرته البائسه

ونصبت المحاكمه

وأمسك الحب ايمانه بنفسه

بينما تداعى الجنون وسقط يائسا

ورفعت الجلسه

والحب منتصرا

أهنئك

cheeeeeeeeeeeeeeeeeeeeeeeeeeeeers

2007-08-23T05:45:00.000+03:00

مش عارفه ليه كل يوم قبل اما انام زى الشطورة اروح اغسل سنانى

وبعدين بعد اما اغسل سنانى اروح اكل تانى قبل اما انام

اموت وافهم الحكمه فى كدا؟؟

ممكن حد يفهمنى؟؟؟؟

شلااااااه يا حسين

2007-08-23T01:43:00.000+03:00

النهاردة كنت فى الحسين انا وأصحابى مجرد خروجه فى مكان جميل وقديم واننا نشوف مسجد من المساجد الكبيرة فى مصر, وفرحت اوى انى هروح علشان من زمان مروحتش الحسين.اول ما روحنا دخلنا المسجد نصلى لقيت مناظر عجيبه كأننا فى _مش هقول فندق او اوتيل_بانسيون من بتوع السيده اللى بشفهم فى الافلام بتاعت زمان ناس نايمه على الارض وبتاكل رز مع الملايكه ولا هى حاسه بأى حاجه من هيصه الناس ودوشتهم وصوتهم العالى كانهم فى سوق مش مسجد اللى هو بيت من بيوت ربنا يعنى ندخله علشان نذكر ربنا جواه مش نجيب سيرة ام احمد جارتنا ساعه ما اتخانقت مع ام زينب علشان مش عارفه ايه ومش عارفه,واللى اكتر ويفقع المرارة اكتر ماهى اصلا مفقوعه تبص يمين تلاقى اللى جايبالك فول وطعميه وجرجير وعماله تاكل وتلظ جرجير جرجير جوة الجامع ,تبص شمال اللى جيبالك طبق كشرى من اول الحسين وعماله تضرب فيه_قاعده انا فى مسجد الحسين ولا عند جاد بتاع الفول_

سبتنى من دول وقولت كل واحد وعلامه

لقيت مكان كدا اللى هو المقام قولت ادخل اشوفه _بس طبعا من غير ما افضل الف حوليه وسيدنا الحسين جالى فى المنام ندانى ولبيته يا سى السيد_لقيت اللى مسكالك فى سور المقام كأنه حته من الجنه نزلت على الارض ونفسها تنط جزة السور وتلزق فى المقام وعماله تدعى وتدعى وشلاه يا حسين كأن الحسين دا همزة الوصل بين العبد وربه ويريت كانوا ستات وبس _اهو زى ما بيقولوا ناقصات ...ودين_الستات فى كوووووووووم والرجاله فى كوووووووووم تانى غيره خالص مقدرتش افهم حتى ايه اللى بيعملوه دا مش ممكن درجه قله الدين انك تتمسك بمقاااااااااااام والله اعلم اذا كان الحسين جثمانه موجود فى المسجد ولا لأ_فى قيل وقال فى الموضوع دا_

دا غير الاحتياطات الامنيه اللى احنا عملناها على الشنط بتعتنا واحنا داخلين واحنا جوه الجامع ماسكين الشنط كانها عيل من عيالنا اللى لسه مخلفنهوش ,واحان بنصلى حطين الشنط جمبنا وش كدا لتتخطف ولا حاجه محدش ضامن روحه الايام دى الاحتياطات دى حسستنى انى واقفه فى محطه مصر مش فى مسجد ويجيلك بقى طقم الناس اللى بتشحت,قاعدين لا بينا ولا علينا لقينا واحدة بتتسحب جمبنا وبتتكلم بتقولى ايييييييييييييه؟؟؟؟مش سمعاكىيا حاجه؟؟؟؟؟؟؟؟؟؟؟المهم طلعت عايزة حاجه علشان تركب بيها وتروح.تركب من جوة المسجد نفس الكلام نفس الاسطوانه المشروخه يا حاجه بعد كدا الاذان أذن واقيمت الصلاة قد قامت الصلاة والحاجه قاعده لا بتقوم ولا بتصلى(ماتت دى ولا ايه

مش هتقومى تصلى يا حاجه-

....................-

يا حاجه الامام اقام الصلاه-

........................-

بالسلامه يا حاجه

بعد الصلاه ما خلصت قررت انى اروح اتكلم مع الناس اللى كل يومهم قاعدين فى المسجد وخلااااااااااص,بس للاسف ملقتش الحاجه اللى مصلتش تلاقيها كانت بتعمل جوله وتشوف رزقها فى الليله دى,قومت سايبه اصحابى قولتلهم خمسه وجايه

سلام عليكم-

وعليكم السلام-

ازيك يا حاجه عامله ايه؟؟-

الحمد لله يابنتى كويسين-

انتى منين يا حاجه؟؟-

بصراحه مش فاكرة قالت منين بس هو مكان بيتهيالى اسمه قلعه الجيش

وانتى منين يا عسل؟-

انا من المنصورة-

احسن ناس والله ناس جدعه وزى القمر-

ربنا يكرمك-

وبتيجى من المنصورة علشان الحسين؟-

لا يا حاجه انا بتعلم هنا وباجى للكليه بتعتى-

ربنا يحميك يابنتى ويوفقك ويكرمك باذن الله-

انتوا بتيجوا كل يوم هنا يا حاجه؟؟-

اه بنيجى كل يوم-

بتعملوا ايه هنا كل يوم؟؟-

بنخدم الجامع سيدنا الحسين-

بس انتوا قاعدين طول النهار لا بتخدموا حد ولا بتعملوا حاجه-

ما احنا بنيجى نصلى نيجى من الضهريه كدا-

بس اللى يجى يصلى ميقبلش فلوس من ناس ميعرفهاش؟؟ -

احنا مبنطلبش من حد حاجه اللى عايز وربنا مقدره بيدينا كمان احنا ناس غلابه انا عندى اربع عيال وهى كمان ومفيش حد بيصرف علينا -

مش بتشتغلوا ليه يا حاجه؟؟-

ومين يابنتى هيشغل ناس زينا كبار كدا دا احنا عايزين اللى يخدمنا-

فى المدارس يا حاجه؟بتعليمهم؟-

انا عندى اتنين فى المدارس واتنين لا وهى برده بتعلم ولادها انا عندى بنت زيك كدا -

ربنا هيعوضك خير فى بنتك دى بس انتى اصبرى-

وانا كمان عندى رحاب معسله كدا زيك وطيبه-

وجات شيرى تطمن عليا علشان اتاخرت فى الكلام معاهم وبتحسب ضربونى ولا حاجه

يلا يا سميلى فى ايه؟؟-

دقيقه يا شيرى مش هتأخر

وببوص للحاجه لقيت عنيها مليانه دموع وبتعيط كأنى فكرتها بهمها اللى عايشه فيه ونعكشتلها فى حزنها اللى نايمه صاحيه عليه,فضلت اقولها انى اسفه اوى انى فكرتها وزعلتها وهى تقولى لا متخديش فى بالك احنا كدا على طول واهى عيشه انا حزنت على حزنها وفضلت اعتذرلها انى مقصدتش حاجه وطبطبت عليها وبوست دماغها وبوستها وقولتها "ادعى لربنا انتى فى بيته اشكيله همك وحزنك محدش

"هيحس بيكى اكتر منه احنا فى زمن محدش دارى باللى جمبه بس ربنا يعلم ايه فى قلب كل واحد وربنا هيقف معاكى ان شاء الله

ومشيت وفضلت تدعيلى بدعا اتمنى انه يتحقق وربنا يسمع منها ويتقبله كأنى ادتها حجات كتير مش مجرد انى اتكلمت معااها كلمتين وطلعت شويه مع حد متعرفوش اللى فى قلبها.خرجت من المسجد وواحدة صحبتى قالتلى يابنتى دول ناس بتستسهل بيقولوا نيجى نعض هنا ولا حركه ولا شغل ولا بتاع وادينا بيجلنا فلوس مش بطاله وببلاش

فكرت قولت ممكن بس ايه يجبر ناس على انها تذل روحها وتقلل من كرامتها وتيجى تعد فى جامع تاخد منى ايد دى وايد ترملها حاجه وايد مترملهاش

بس اللى خرجت بيه انى خرجت وانا اد حزينه على امهات فى سن امى وممكن جدتى كمان وبيتبهدلوا كدا ناس المفروض انها ترتاح وبتتهان ناس مش لاقيه تاكل يوم بيومه وناس تانيه...............ولا بلاش اقول ابقى اقول لما اقابل حد معرفوش زى الحاجه ما قالت وفضفضت..وحزنت على زمنها قبل ما تحزن على حالها

مرحبا يا قلبى

2007-08-17T23:43:00.000+03:00

رأيته

لم نتصادف منذ زمن بعيد

ربما لم يكن زمن

ربما لم يكن وقت كثير

ولكنه مر علي كنومة أهل الكهف

كنت أنسج فى خيالاتى لحظه رأيته

كأنها ستكون حلم وردى

يتلاءم به قلبى الدامى

تتلون به خيوط امالى

تتفتح به زهور عمرى

وحدث ما كنت أتوقع

ولم يحدث....!

بدأت حياتى فى الرجوع الى

بدأت أحلامى تحى من جديد

وتغزل بخيوط من بريق

أيامها القادمه

وذلك

لرؤيتى له....على الرغم من عدم رؤيتى له

فقد وجدته كسراب طفيف يمر من أمامى

سحابه سوداء صغيرة فى سماء شاسعه

طفلة ضائعه بيد مرتجفه تبحث عن أمها

لم أحس به كما كنت أعتاد من قبل

حتى فى غيابه عن عالمى

فقد ابتعد...وأخذ معه كل ما يخصنى

وبرؤيته...استرددت كل ممتلكاتى

أهدانى أغراضى متفاخرا بقوته الزائفه راغبا فى اضعافى

املا ان أبكى..أن أصرخ..أن أفعل أى شئ

لكننى استدعيت هدوئى

وقابلته سماحتى بأكرم انواع الضيافه

فتبسمت له شفتاى فى صمت قائله

"وداع...والى لا لقاء اخر"

ووجهت ظهرى له قائله

"أهلا بعودتك يا قلب..لقد افتقدتك"

ASHY GIRL

2007-08-16T05:07:00.000+03:00

ashy girl born in joy

but outsider

ashy girl lived in fear

but insider

ashy girl knew the all

but in lone

ashy girl heared

but not be heared

ashy girl forgave

but not forgot

ashy girl loved the boy

but in silence

ashy girl adored the boy

but in vain

she stayed alone,found the solution to her case called "life" she decided.....but didn't make it.

ashy girl died in peace

but not by her hands

FEMALE DOMINATED SOCIETY!!

2007-08-15T02:46:00.000+03:00

Our Egyptian society is called "Male Dominated Society"as the males control it by many ways controlling the females claiming that they have the upper hand over the society,pretending that they are superior,but i think now the called"Male Dominated Society" is not appropriate.

How can we say males dominating the society and in that society you will find that the no. of females more than the no. of males and i am sure in recent years the no. of females will be doubled the no of males.

Males either brothers or fathers or husbands or even boy friends_in an Islamic country_have the authority over the girl AS she is weak,must be protected pla pla pla.They ordered her not to come late,not to travel,not,not ,not ,not......

They ordered her with out taking in their consideration that this girl is just ahuman and she didn't choose to be girl,it's her fate and this fate is being hated by many girls because of this horrible control.They have to think that this girl has her own thoughts and opinions and wants to express her point of view not theirs,she has her dreams and wants to achieve them with her own way and mind not their minds.

Now after along struggle many generations fought to get what we have now"we the FEMALES" get the power to hold high positions in many firms and associations,many females managed to control their life independently as the women now are judges_even in not all courts_,professors,minister,and many women today are playing all kinds of sports and they are champions.

Now you can find the females in every successful place many of them decided to be and they gonna be.

SO can we call our society soon or later "Female Dominated Society"as soon or later we gonna gain more and more power and may be_GOD only knows_more than men??

I am not asking that meaning that i want it but we need to change our society's culture especially concerning its look to the girl as she is AGIRL not AHUMAN BEING .Iam asking balance in the way the parents bring up their daughters and their sons,asking for letting the girls to choose not to force them,asking the girls to determine what they want and insist on doing it the way they see the way they want and not giving anyone the key to their life,asking to let the girls do their wants advice them first and let them go even if they gonna fail they will learn they will say my OWN experience not they told me to do

GIRLS ..........INSIST&INSIST&INSIST

happened and iam not going to let that happen again:

after finishing my high school"thanwya 3mah"and thanks GOD i got high grades making me enter any college i want,my wish since i was kid to enter ALSUN and to be translator and after i succeed i wanted to achieve my wish but come on how can u do this here in my family,the big boos,the ruler,MY MOM,she made her farmaan not to enter alsun as i can enter higher college with my grades _at that time i hate that i studied and got high grades_and it was shoots time

"u don't know where is the good for you,i know more than you,is there anyone let FEPS and enter alsun_screw FEPS_,you are an idiot,u wanna go alsun for the sake of your friend if she wan in your shoes she wouldn't do that,u wouldn't enter alsun"

and what she wanted happened :(

i entered FEPS giving up my dream for the sake of my mom,i know if i was more insisted to do what i want and insist to enter the college i want but i wasn't,but now after 4 years i will be what i want i will be TRANSLTOR(sorry mom).

اليكى

2007-08-10T01:32:00.000+03:00

جلست وحيدا فى دنيا صاخبه

الكل يحاكينى ويجعلنى ابتسم

لكن داخلى ينزف بدماء تألمنى

وحيدا وسط جموع البشر

لا ارى سواها ولا اعيش بدونها

لن أراها بعد الان ولن ترانى

لن اسمح ان تكون بعيده عنى

تعيش فى عالم غير الذى اتواجد فيه

لن أتركها وحيده هناك بدونى

وانا وحيد هنا بدونها

حبيبتى

انى قادم اليك

ما احلى الرجوع الى بلوجى

2007-08-09T05:06:00.000+03:00

يااااااااااااااااااااااه

بقالى فترة مش فتحت البلوج وجبت نيو بوست وافتح صفحه بيضا كدا واجيب الزبادى واكل واكتب والون الصفحه البيضا بكلامى وباللى انا عيزاه اعدت اقول يابت يا سميلى تكتبى ايه ايه ايه وفضلت ادور فى معاميق معاميقى وادور وما زال البحث مستمرا واتوغل وانتشر وانتشر واتوغل وملقتش غير انى مضايقه حبه وزعلانه حبتين ونفسى اطفش بره بيتنا تلت اربع خمس ست سبع حبيات

طب اكتب انى مضايقه وهقرف الناس معايا ليه حد ناقص بلاوى,طب اكتب انى زعلانه وايه الجديد عاااااااااااااااااااتى جدا بقى الطبيعى بتعنا,طب اطفش من بيتنا مش لاقيه مكان اطفش فيه بالله عليكو لو حد لاقى مكان يقولى عليه ويتصل بيا على 015 من 6 صباحا ل6 مساء وعلى المقيمين خارج القاهرة مراعاه فروق التوقيت

خلاص بقى يا سميلى ايه أم الرغى اللى انتى فيه دا ادخلى فى صلب الموضوع....حلوة صلب دى فكرتنى بأحمد عز تؤتؤت مش الممثل يا جهله بتاع ال40 مليار دولار وهو فى الاربعين من عمره_لو انا غلط فى الارقام حد يصحح علشان مبحبش اغلط فى الناس الكوباره

المهم هحكيلكم على تلات مواقف احتمال ملهمش دعوه ببعض بس حسيت انهم مترابطين اوى اوى ببعض ومحدش ينام فى النص اسمعونى للاخر واكيد مع سميلى مش هتقدر تغمض عنيك

المكان:بيت طنط سناء

الزمان:يوم الاثنين

الحدث:سبوع لانا بنت أن

وانا لسه داخله البيت لقيت بقى مين؟مييييييييييييين البت دعاء بنت سناء اللى كانوا جيرانا من زمان وعزلوا بس دعاء ميقتش دعاء بقت ايييييييييه موزة موزة يعنى حطالى عدسات لاصقه ومايك اب اوفر ولابسه برموده قال برمودة قال الله يرحم الجيب شورت القطن اللى كانت بتنزل بيه الشارع من 10 سنين

هنقول ايه............زمن

المهم سالت ويرتنييييييييييييييييي ما سالت تهورت بقى وسالت دعاء فى ايه؟كان مجرد سؤال ومكنتش مجرد اجابه

دعاء فى صيدله جى يو سى

مش عارفه تنطق يعنى الجامعه الالمانبه

وطلع الحاج ابو دعاء بيدفع 80 الف جنيه مساريف كليه دعاء

و20 الف جنيه مساريف فيلا الرحاب اللى ساكنه فيها دعاء

و5 الاف جنيه مساريف الاتوبيس اللى بينقل دعاء من الفيلا للكليه

يعنى 105 الف جنيه مساريف دعاء للكليه بس غير مساريف دعاء الشخصيه يعنى درس يا بابا كشكول يا بابا ايشارب يا بابا وادفع يا بابا

يعنى 105 الف فى خمس سنين 5 فى 5 25 خمسه ومعانا2

يعنى بعد الجمع والطرح والضرب والذى منه ابو دعاء بيدفع 525 الف جنيه علشان دعاء تبقى دكتورة دعاء!!!

والنبى انا اتكسفت اقولها انى فيبس لتبصق عليا ولا حاجه

وفى النهايه سؤال يطرح ذاته:

هل تستطيع دكتورة دعاء باعتبار ما سيكون ان تجنى مالا بقدر ما الحاج ابو دعاء انفقه عليها؟؟

سؤال ليس له اجابه الا فى بلوج سميلى مستقبلا لو عشنا وكان لينا عمر

وفى نفس المكان والزمان والحدث لقيت البت اييييئ او اسراء يعنى ضحيه من ضحايا الثانوى والتنسيق والمجموع اسراء ادت للتنسيق الوش الجبس وقررت تدخل اى كليه خاصه وقد كان.

شد اونكل ابو اسراء الرحال الى مدينه السادس من اكتوبر العاشر من رمضان وبدات رحله البحث وحدثت الفاجعه

اسراء مش لقتلها مكان فى اى صيدله فى اى كليه خاصه وقال ايه كان لازم تحجز مكان الاول راحه انا كليه ولا راحه عياده دكتور اسنان علشان احجز قبل اما ادخل.ويعينى يدوب لحقت علاج طبيعى فى جامعه 6 اكتوبر,لحقت علشان تدفع ب20 او30 الف جنيه,لحقت علشان تشترى شهادة الدكتورة

وفى نفسى اليوم روحت بقى علشان قولت كدا كفايه عليا اوى

روحت دخلت على ماسنجرى وكلمت اليرون وروفى_روفى دكتورة بس من بتوع الحكومى مش الخاس_ والواد اليرون كان بيحكى ان واحد صاحبه بيفكر هو كان بيفكر مجرد فكرة عابرة انه يتجوز زى خلق الله

يتجوز ومعهوش فلوش ولا شقه ولا ولا ولا ولا

وهلم جرة والجرة فاضيه والواد عايز والبت عايزة

ومحدش حاسس بالمصيبه الجايه

كدا خلاص خلصت ال3 مواقف .....ايه دا انا نسيت الرباط اللى بيربط ما بينهم حد ينزل يشترى ربااااااااط بسرعه

لالالا خلاص افتكرت

الحاج ابو دعاء بيدفع اكتر من نص مليون علشان يعلم دعاء بس بس النص مليون جنيه دول يجوزوا كاااااااام واحد وواحدة؟يبداوا حياه كام واااااااحد؟؟ولو حد مثلا قرا البوست اللى اانا كتباه دا واتخرج مثلا ومش لاقى شغل ولا عارف يتجوز ويبدا حياه ايه احساسه تجاه الحاج ابو دعاء؟؟ولو روفى مثلا قابلت دعاء وروفى ذاكرت فى ثانوى لحد ما البوق بوق اللى جوه عنيها ماخرج منها وجابت مجموع وبقت دكتورة ودعاء فلوس الحاج ابو دعاء هى اللى هتخليها دكتورة ومن غير ما تتعب روحها اوى احساس روفى تجاه دعاء ايه بقى؟؟

واسراء بتحجز علشان تدفع اكتر علشان تبقى دكتورة فى زمن الدكاترة فيه اكتر من الناس العيانه اصلا,بتحجز علشان حد يحقد عليها ويقول هم دول بقى الناس اللى معاهم فلوس واحنا ولاد....بنشحت فلوس

حسبييييييييييييي الله ونعم الوكيل

حسببببببببببببي

خلاص حسبنت كتير يا حاج

فراق

2007-07-29T03:47:00.000+03:00

جدتى

لم اكن أعى ما معنى الفراق.اعيش حياه لا ادرك فيها شئ الا حبى لتلك الحياه فرح وضحك ولعب مع كل من احبهم

(كيمو,نهال,جيجى,منار,محمود,محمد.........

اذهب لبيت جدتى باب سعادتى الذى كنت افتحه لارى اصدقائى وكل افراد عائله أمى.اكثر من عشرة اطفال نلهو بلا حدود لمتعتنا مع بعضنا البعض.انه بالفعل بيت العائله

لم يكن ياتى على خاطرى كلمه فراق

فراق؟؟ماذا تعنى؟؟لا اعرف مجرد كلمه لم اتعود عليها فبجانبى كل ما اريد وفى خاطرى لا أحمل شئ غير حياتى

حياه بسيطه مثلها كمثل اى حياه لكن ......حياتى التى أحبها

حتى جاءت لحظه الفراق

جدتى.....رمز لطيبه لا اجدها فى احد من قبل.امراه لم تغادر منزلها من اكثر من خمسه عشر عام الا للذهاب الا للطبيب او لابنتها المغتربه وفجأه مرضت ولكن ليس ككل مرة فزع فى بيت العائله وانا لا ادرى ما يجرى.انظر لأمى فأرى فى عينها غصه تبوح منها ولا تستطيع ان تخرج ما بداخلها.وذهبت جدتى للطبيب وكل أفراد العائله منتظرين فى البيت ان تعود ويطمئنوا عليها

لم أنتظر معهم دخلت لحجرتها ونمت بجوار سريرها اتلمسه وأقول له

"ستعود اليك لا تخاف لن تتركنا فهى تحبنا"

وغفوت للحظات وقمت من غفوتى مفزوعه على صوت صريخ لم اسمعه من قبل فى بيت جدتى.....بابى للسعاده

ماتت جدتى ماتت ولن تعود لسريرها

بدون وعى ظللت أبكى وأبكى ماتت تركتنا لم أكن أعرف حتى معنى الموت فى حياتى وانقلب بيت جدتى الى حفله بكاء ولأول مرة ارى دموع فى هذه العيون الضاحكه كيف ينقلب ضحكنا لبكاء؟؟

هل يعجبك هذا يا جدتى نبكى من أجلك؟فلماذا تتكرينا لترى دموعنا؟

رأيتها وهى جثه هامده يحملونها بين اذرعهم لا تحرك ساكنا ..اين ضحكتها,اين كلامها معى....للاسف لقد ماتت

قد كانت فى حاجه لمن يضمنى ويأخذنى بين ذراعه أنظر لأمى لا أرى غير دموع تنهمر من اعينها ولا تنطق الا بكلمه واحدة"الله يرحمك يا

امى.لقد كانت حزينه عليها وانا ايضا ولكن اريد من يطمئننى ولكنى لم اجد غير...نفسى

ذهبت لغرفتها وجدت ابنها الصغير بجانبها يبكى ويقرأ القرأن كنت أتمنى ان اجلس بجوارها احدثها قبل وداعى لها ولكن منعونى حتى من الوداع.جلست بالغرفه المجاورة لغرفتها أشعر روحى كانى بجانبها وغفوت فى حلم لا لم يكن حلم بل غيبوبه

استيقظت منها وانا اجرى على أمى

أمى أمى لم تمت جدتى لم تمت انه مجرد حلم حلمناه كلنا مع بعضنا لقد استيقظت منه وجئت اوقظك واوقظ كل من فى البيت لم تمت يا أمى الحمد لله لم أكن أتخيل انها ستبعد وتتركنا

نظرت أمى الى كانها تطمئنى بعينها"جدتك تركتنا يا حبيبتى ولن تعود من يموت لن يعود

!!من يموت لن يعود

وأدركت ان ما انا فيه كان حلما وما اجمله حلم

وفارقتنا جدتى وفارقت معها الضحكات ولم يتبقى غير ذكرياتها معنا وغير

سريرها...نظارتها....وحبى الباقى لها

خالد

مدرستى

الحياه, الكليه,الحياه المهنيه,الحب....احلامنا

هذه كانت حياتنا ننتهى من دراستنا للثانويه العامه وننطلق لحياه الجامعه نعيش ونحب ونصبح شباب الجامعه.وانتهت الثانويه العامه التى كانت فترة لم ندرك قيمه جمالها الا بعد فراقها.قيمه وجودنا مع بعض عدم الافتراق الا لنذهب لننام لنستيقظ لنعود لنلتقى

قيمه ان تضحك من قلبك قيمه ان لا يوجد فى قلبك حزن

وذهبنا للجامعه وبدأت حياه الواقع التى لم تتطابق نهائيا مع حياه الاحلام.كل ذهب باتجاه ذهبت انا هناك وهى هنا وهو بعيدأ

لم نكن نتقابل الا قليل وربما بالصدفه ونحن فى طريقنا للجامعه

وفى احدى المرات قابلت خالد ياااااااااه لم اراه منذ عده شهور كان يشبه الملاك ولا ابالغ

ابيض الوجه والملابس وفى يده بالطو ابيض.ما اجملك يا خالد هذه المره

بمجرد رؤيتى له تذكرت حياتنا فى المدرسه احلامنا وتخيالتنا التى بدات تتحطم من مجرد سنه واحدة فى....حياه الجامعه

ركبنا سويه وكنت وقتها أتذكر ما كان يحدث بيننا (مقالاب ومنافسه.....واشياء لا يستطيع كلامى التعبير عنها

ولسوء الحظ كاد ان يقع حادث فى طريقنا ولكن توقفنا فى الوقت المناسب وأكملنا طريقنا وتفارقنا على موعد اخر للقاء

بعد عده اسابيع وكنا أثناء امتحانات اخر العام وجدت صديقتى على الهاتف وصوتها حزين

"مات خالد"

مات وهو قادم من امتحانه .مات وكانه اختار ان يموت بيده.مات وهو يصفعنى على وجهى ويقول لى

"لم احقق احلامى ولا ضمان لكى ايضا ان تحققى احلامك..كأنه يا صديقتى مكتوب لنا ألا نحقق احلامنا"

بموتك يا خالد أيقنت انه لا ضمان فى الحياه....ولكن أوعدك يا صديقى طالما احيى سأحقق احلامى

وادعولك

رجعلى

2007-07-28T04:00:00.000+03:00

قال رجعلك وبقولك محتجالك وبحبك

رجعلك و بقولك مش قادر على بعدك

قولت ومين قال ابعد واهجر

قال فى بعدك بقيت حاجه مش عرفها

بقيت حاجه مش عيشها

قولت مشيت ومسالتش هكون ايه من بعدك

بحبك

نسيتك

محتاجلك

مش عوزاك

حبيتى من بعدى؟

عيشت من بعدك

هتكرهينى؟

مينفعش احب واكره فى نفس الوقت

ارجعيلى؟

مش هعرف اعيش

بس

فكراك طول ما انا عايشه

خوف

2007-07-27T04:02:00.000+03:00

خوف

كلمه لا تتعدى ثلاث أحرف

شعور يتعدى الحدود

يجعلك تحيا حياتك

ولا تعيشها

كأنك روحا ميته ترقد فى جسد حى

تحيى دون أدنى لذة فى الحياه

تبكى من غير دموع

تضحك بلا شعور

يعتبرونك الاخرين مثلى اعلى فى اقابلك على حياتك

وكأنهم أكفاء

لا يرون حزنك الذى يكاد يفيض من داخلك

كأنهم أصماء

لا يسمعون صوت أنينك الذى يخترق صدرك

وحيدا بينهم

ليس لديك لا رفيق ولا قريب

الا

خوفك

لا عمره خلى القلب يفرح فرحه بجد

ولا عمره خلى حد يطمن لحد...خوف

*dedicated to my sis:)

انا وهو

2007-07-26T03:11:00.000+03:00

لقد كان اول لقاء بيننا

لم ارى غيره ولم افكر فى شئ سواه

تأملنى بنظرات غريبه

جعلتنى أشعر بأنى أميرة فى عالم احلامه

لم يعتبرنى مجرد جسد متمثل فى امرأه

بل جعلنى روح يتلاعب بها كما يشاء

لم نتبادل الحديث

بقينا فى صمت

ولكن ظلت أعيننا تتحدث بما تريد

وكما تشاء

لم أعرف كم بقينا سويا

ولم أريد ان أعرف

يكفينى بقائى معه

.........ثم

وجدت نفسى وحيده ولا أراه بجانبى

اين هو؟؟

لقد كان هنا............هنا بجانبى

يحتضن عيناى بعينه

ولا ترى سواه

ولكن

استيقظت

استيقظت من حلمى

!!!على حقيقه بقائى وحيده

شكرا

2007-07-25T01:50:00.000+03:00

معرفش اذا كنا اتعودنا ولا متعودناش نقول شكرا

بتتقال لا مجامله لو حد عاملك خدمه

او تتقال لو حد قدملك حاجه وتقوله شكرا

طيب كلمه شكرا لو اتقالت لناس بنحبهم

مش لازم عاملوا لينا حاجه مباشرة

كفايه اقولهم شكرا علشان بحبهم

كفايه اقول شكرا علشان بيحبونى

كفايه اقول شكرا لمجرد وجودهم فى حياتى

:اول شكرا لانتيختى وصحبتيشى نوسو

صحبتى من عشر سنين.عشر سنين خناقات ومقالب وهزار ومصايب وضحك وعياط وضرب يعنى من الاخر بلاوى

اكنا بنقول على بعض الصنادل فى جمب_محدش هيفهم غيرها_محدش فى البيت قالى غلط وصح وهى قالتلى وقالت كتير وانا قولت برده كتير يعنى من الاخر مربيين بعض مبقاش ليا حد دلوقتى غيرها واستحاله اخسرها علشان اى حد مهما كان

LUV U NOSY

:تانى شكرا لويسه

ويسه اه معرفه نتاويه ومش اعرفه من كتير بس بحبه اوى والله زى اخوى بالظبظ وبلاش التفكير الفاسق ياخدكوا لبعيد

برغى معاه كتيييييييير وبنفضل نشتم ونهزق بعض كدا من كتر الحب اللى بينا ومش اى حب دا فى الحته الشمال كمان

هو ايه رخم ورزل وجاهل بس شكلى بقى قدرى انى يكون ليا اخ تالت بالشكل دا

مش كدا يا ويسه:D:D:D:D

اكتر حاجه خلانى ويسه اعملها واحبها انى اعمل بلوج واخلى الناس تشوف انا كاتبه ايه ولو مش عجبها اللى اانا كتباه مش مهم المهم انا

حساه والكلام اللى بكتبه دا اغلى حاجه عندى,وتانى حاجه خلانى ابدأ ااقرأ لباولو كويلو وبجد طلع راجل جاااااااااااااااامد موووووووووت

LUV U ALERON

بجد شكرا كبييييييييييييييييييييييييييييرة للاتنين دول بالذات

ويارب مش أفارقهم خاااااااالث

عمار يا مصر

2007-07-25T00:29:00.000+03:00

دا والله الكلام دا عبط ايه لزمته مش فاهمه

لا وايه الشنط الكبيرة بس هى اللى بتتفتش والصغيرة لا كأن المتفجرات مش هتدخل فى الشنط الصغيرة

ياستى دول شويه موظفين قاعدين على مكاتبهم ومش لاقيين حاجه يعملوها قالوا ننزلهم يتحركوا شويه ويقرفوا الناس

لا وايه الراجل يقولك حلو اوى انهم بيفتشوا الحريم وسايبين الرجاله.يلا يبهدلوهم شويه بقى

دا حوار ما بين اتنين ستات فى المترو النهاردة الساعه 2 وكنت قرفان من الحر والجو بطريقه كنت حاسه انى هطلع دخان من قفايا

المترو الايام دى بقى موز موز موز

نظام ملوش حدود احترام لوقت الناس بطريقه أدهشتنى انها موجوده فى بلد الامن والامان بلد السبع الاف سنه

موجود فى بعض محطات المترو ومش فاهمه ليه مش فى كل المحطات احتمال القاعده محدده الاهداف التى هتضرب فيها محطات المترو زى محطه جامعه القاهرة اللى بتبقى عامله زى طابونه العيش البلدى فى اى منطقه شعبيه

تلاقى موجود على باب المحطه شحطين تلاته قاعدين على الكراسى والناس تقف صف مش مصفوف عادة المصريين ولا هيشتروها

والناس تفوت على البنى ادمين اللى قاعده دى وتفتح الشنط واللى يغيظك ويحرق دمك انهم اصلا مش بيفتشوا جواها مجرد انهم يفتحوها وينعكشوا وبس...............ليه معرفش

ويا حلاوة يا ولاد لو الحلو الجمر اللى قاعد لقى موزة معديه عليه. تفوت من تحت ايده؟؟استغفر الله

لازم طبعا يديلو كلمه كدا تحسسه انه انسان ناقص ومش راجل اصلا

لالا واللى يخليك تموت من الضوحك ان الناس مش بتعدى من الجهاز اللى بيكشف اذا كان معاك متفجرات ولا لأ لا

لا بيعدوا من جمبو.................ناس حويطه برده.الجهل نور والعلم ظلام

بجد هنقول ايه؟؟؟

هو احنا ناقصين تخلف طول عمرنا بنقلد الكويس بتاع برة ونيجى نقلده غلط وبمنتهى الغلط

مترو ايه اللى ناس تقف تفتش اللى بيدخلوة فين التفكير انك تفتش الاف والاف داخله كل يوم تركب المترو

اااااااااااه يا بلد حالك ماشى بالمقلوب

مواطن متهان

وحرامى متصان

لا حد قادر يقول لا

ولا حد قادر يقول الاااااااااااه

((يبقى انت اكيد اكيد فى مصر))

مش هنصدم

2007-07-23T23:23:00.000+03:00

مش هنصدم لو قلبى حب قلب محبنيش

مش هنصدم لو خرجت لقيت دنيا بتقولى مفيش

مفيش مفيش مفيش مفيش

مفيش علشان الدنيا بقت كدا؟؟؟؟

وهى الدنيا ايه غير انت وانا

الدنيا لا غابه ولا احنا فيها حيوانات

الدنيا دى دوامه مليانه بالحودايت

كل دوامه جواها حدوته

لو فتحتها هتقولك وتعيد وتزيد

هتخسر ايه لما تحبها؟؟

حبها تحبك وهتديك من قلبها

مهى دنيتنا ولازم نقولها

وبنحبك يا دنيا بجد ومهما تعملى فينا بنسحب شوق يفوق الحد ونحضن بكرة بايدينا

بس عادى

2007-07-23T02:46:00.000+03:00

OTVيوم الجمعه مش فاكر اى واحدة هى بينما كنت اقوم بالدور الفلبينى بتاعى فى بيتنا ومشغله صندوق الدنيا وبتفرج على قناه

"ولقيت واحد من الناس اللى تقول عليهم دماغ ودماغ جامده كمان وانا بموت فى الدماغ الضاربه دى الا وهو "احمد العسيلى

_أحمد انا عرفته من نجوم اف ام فى برنامج كان بيجى يوم الخميس وكنت مش بخرج علشانه هو_بحبه يا ابووى بحبه يااماااااااى

طبعا قولت بلا أرف وسبت الحال كما هو عليه وتنحت لأحمد فكرته كانت حلوة اوى انه يخرج برة ويروح ويجى.أحمد كان بيتكلم عن هو ايه العادى وايه غير العادى فى بلدنا دى؟؟

المهم ايه بس عادى دى ؟؟؟؟

...............دلوقتى كل حاجه عندنا بقت بس عادى

تسيب كل حاجه بتحبها وبتعملها علشان مااااااااارد الثانويه العامه .............. بس عادى

تدخل كليه مبتحبهاش علشان حكم القوى_اذا كان من تنسيق لبلد مفيهاش تنسيق ولا من سلطه ابوك اومك اللى ما صدقوا يمارسوا سلطه على حد_.........بس عادى

تعيش حياه الجامعه والصحوبيات والحب فى التليفونات وتيجى بنت ولاولد يقولك سورى اصل شكلنا مش واكل على بعض ..... بس عادى

تبقى خريج زى الفل بمعنى فل من كل حاجه فل فلوس,فل ثقافه,فل شخصيه............... بس عادى

تشتغل هى هى هى اذا اشتغلت اصلا وتبدا تاخد على قفاك من قرف شغل لمديرلافسينات زمايل................. بس عادى

وتكون حياه مش عارف ايه مكوناتها اصلا بس لازم تكونها وزى ما الكورة اجوان الحياه بطيخه لا قرعه لا قرعه .......... بس عادى

وتقول نعم وهى طالعه منك بملوين لأ بس مش قادر تطلعها بأه..........بس عادى

وتقول نعم ومصر تقول نعم بس هما يقولوا هنخلهالك لأ ومتقدرش تقولهم لأ ............. بس عادى

هو دا بقى العادى؟؟؟ومين خلاه عادى؟؟؟ وليه نقبل بالعادى اللى هو اصلا فوق العادى؟؟؟

لو قبلت بالعادى بتاعهم هتكون زيهم بس انت مش هتكون عادى........هتكون غير عادى

((عادى عادى كله عادى))

كوكب تانى

2007-07-22T19:47:00.000+03:00

لوحدى....فى دنيا مبقتش تعرف غير يأس وخوف وحزن

لوحدى....فى عالم لا يعرف قريب ولا صديق ولا حتى حبيب

يقولوا الدنيا بقت غابه

ما يقولوا الدنيا بقت غابه

لا حصدق كلامهم

ولا هبقى فى عالمهم

راح اعيش فى عالمى

وهكون دنيتى

وارسم احلامى

بعيد عن احزانهم

تحب تعيش فى كوكبى

رفضك يا زمانى يا اوانى يا مكانى انا عايز اعيش فى كوكب تانى

فيه عالم تانى فيه لسه امانى فيه الانسان لسه انسان عايش للتانى

يوم وداعنا

2007-07-22T04:20:00.000+03:00

يوم وداعنا يا حبيبى مش نهايه

دا الوداع مكتوب لنا من البدايه

اوعاك يا قلبى قى يوم تضيع بعد ما نودع حبيبنا

اوعاك يا قلبى تقول نبيع عمر الخداع ما كان نصيبنا

حاول تدارى دموع عنيك حاول تدارى ضعفنا

دا حبه كان شئ مستحيل كان حب قصده يهدنا

هتفتكرله ايه يا قلبى دا الحب حتى محسهوش

وحتى يوم ما احتاجته جمبك بصيت يا قلبى ملقتوش

هو انت ليه يا قلبى دايما تحب ناس تقول مفيش

ولا انت من كتر العذاب من غيره مش قادر تعيش

دلوقتى بس انا كنت حاسه المرة دى صعبه عليك

لما حبيبك قال وداعنا كنت شايفه دموع عنيك

ازاى يا قلبى على اللى جرحك تقول حبيب وهيدويك

لازم تدارى لهفتك وايده بتفارق ايديك